Skip to content

Храм Покрова Пресвятой Богородицы в Бутырской тюрьме

Narrow screen resolution Wide screen resolution Increase font size Decrease font size Default font size   
  Главное arrow Тюремное служение arrow Неделя молитвы. День шестой

Храм Покрова Пресвятой Богородицы в Бутырской тюрьме

O??aiiia neo?aiea

Skip to content
Неделя молитвы. День шестой Версия для печати Отправить на e-mail

ШЕСТОЙ ДЕНЬ

О сотрудниках уголовно-исполнительной системы

DatsoPic 1.2 © 2007 by Andrey Datso

Молитва о сотрудниках  учреждений уголовно-исполнительной системы (УИС), курсантах учебных заведений ФСИН России, ветеранах УИС, а также всех работниках правоохранительных органов – Судопроизводства, Следствия, Прокуратуры и Полиции Министерства внутренних дел (МВД).

Тропарь, гл.4 :

Якоже помиловал еси, Господи, Лонгина сотника / и даровал ему исповедовати Тя,  распеншегося за ны Сына Божия,/ сице и тюремных служителей, по правде законней свое служение устрояющих /  и образ  Твой во всяцем человеце  достойно чтущих / и милостивное сердце от нужд в узилищах страждущих не затворяющих,/ от всякого злоключения избави // и всем призывающим Тя спасение Твое даруй.

Слава, гл.6, мученичен( из службы муч. Лонгина):

При Кресте предстоя, / и бывающая смотряя, / распинаема на Древе Бога и Человека видев,/ вопиял еси к Нему:/ во Царствии Твоем помяни мя, Господи. / Тем и Спас приглашаше Тебе  / блажен еси Лонгине, // и память твоя в род и род.

Слава и ныне: Богородичен, глас 4 : (Тропарь Иконе Божией Матери «Нерушимая стена»):

Яко нерушимую стену и всемощный Покров / стяжахом Тя раби Твои, Владычице Богородице, / мрак грехов и скорбей отгоняющую./ Темже вопием Ти: //мир мирови даруй и душам нашим свет и спасение.

Прокимен,  глас 7:  Заступник мой еси и прибежище мое, Бог мой и уповаю на Него.

Стих: Оружием обыдет тя Истина Его.

Евангелие от Луки, зач.111 ( гл. 23 стих 32-49)

Кондак, глас 3.

За распинающих Тя, якоже злодея, / и ризы Твоя раздирающих, со Креста моливыйся, / и исповедание Сыном Божиим / из уст Логина сотника приемый / и служителем Твоим верным соделавый, / спаси рабы Твоя / по правде законней служение в темничных узилищах совершающих, / от всякаго злаго обстояния избавляя // и доброго ответа на Страшнем Суде сподобляя сих.

Сугубая ектения:

О еже даровати Отечеству нашему мир, тишину и благоденствие, да всякое преступление: ненависть, вражда, убийство, татьба и иные всепагубные действия да упразднятся, и да утвердится  в народе нашем трудолюбивое, трезвенное и целомудренное житие, рцем вси: Господи, услыши и помилуй.

 О еже призрети милостивным оком на христолюбивых воинов, в темницах службу носящих, и посетити их милостию и щедротами Своими, Господу помолимся.

О еже, по слову Твоему, важнейшее в хранении закона: суд (справедливость), милость и веру ( Мф. 23,23) в сердцах  рабов  Своих, воинов темничных, утвердити, и страхом своим от всякого злаго обстояния оградити, и на путь добродетели наставити, Господу помолимся.

Услыши ны, Боже….

Молитва

  Боже Великоименитый, в руце Своей содержаяй судьбы народов и концы земли, от Негоже всякое Отечествие именуется (Еф3,15), призри на страну нашу и всех людей ея, да всякое греховное нестроение: ненависть, вражда, бийства, нечистота, хищения, смертоубийства и иные тьмочисленные преступления да прекратятся, благочестие же и правое житие да утвердится в людях земли Российския.

   Боже, Спасителю наш, призри милостивным оком на воинов, в темничных узилищах служение совершающих, и наказания и исправления,  от судов человеческих  утверждаемых,  над узниками исполняющих! И якоже помиловал еси сотника Лонгина, пред Крестом Твоим предстоящего, и даровал ему познание и исповедание Тебе, истиннаго Сына Божия, тако  и рабом Твоим сим подаждь познание Тебя Единого Истиннаго Бога, и по заповедям Твоим служение их исправи. И якоже помиловал еси в Филиппах Апостолом Павлом стража темничнаго, и весь дом его Святым Крещением просветивый, тако и сим блюстителям узников подаждь  освящение в Таинствах Церкви, и покров державный благодатнаго освящения Твоего. И якоже в притче Благовествования  о Страшнем судище верныя рабы Твоя, в темницу пришедшия, и в заключенных Образ Твой невидимо познавшия, и тако Тебе, Христе, послужившия, сице и сим рабом Твоим, по правде законной служение узникам совершающим, и образ Божий во всяком человеце достойно чтущим, и милостивное сердце не затворенно имеющим,   подаждь в веце сем досточестно  пожити,  и на Страшном суде одесную Тебе стати да сподобиши, и блаженный глас Твой, Владыко Христе, услышати: «Приидите, благословеннии Отца Моего, наследуйте уготованное вам Царствие от сложения мира». Аминь.

 
< Пред.   След. >

Поделиться на Facebook

Другие способы помочь заключенным