Skip to content

Храм Покрова Пресвятой Богородицы в Бутырской тюрьме

Narrow screen resolution Wide screen resolution Increase font size Decrease font size Default font size   
  Главное arrow Тюремное служение arrow Неделя молитвы. День второй

Храм Покрова Пресвятой Богородицы в Бутырской тюрьме

O??aiiia neo?aiea

Skip to content
Неделя молитвы. День второй Версия для печати Отправить на e-mail

ВТОРОЙ ДЕНЬ

Молитва о правомерном исполнении правосудия

DatsoPic 1.2 © 2007 by Andrey DatsoМолебное пение о заключенных и правом суде производимом от человек, власть на сия  имущим.

Благословен Бог  наш…

Трисвятое по Отче наш… Придите поклонимся…

Псалом 145.

Хвали, душе моя, Господа; восхвалю Господа в животе моем, пою Богу моему, дондеже eсмь. Не надейтеся на князи, на сыны человечeския, в нихже несть спасения. Изыдет дух eго, и возвратится в землю свою; в той день погибнут вся помышлeния eго. Блажен, eмуже Бог Иаковль Помощник eго, упование eго на Господа Бога своего, сотворшаго небо и землю, море, и вся яже в них; хранящаго истину в век, творящаго суд обидимым, дающаго пищу алчущым. Господь решит окованныя; Господь умудряет слепцы; Господь возводит низвержeнныя; Господь любит праведники. Господь хранит пришелцы, сира и вдову приимет, и путь грешных погубит. Воцарится Господь во век, Бог твой, Сионе, в род и род.

Слава и ныне; аллилуия, аллилуия, алллилуия, слава Тебе Боже (трижды).

Мирная ектения:

О еже посетити милостию своею  рабов Божиих (имярек) в ожидании суда, от человек составляемого находящихся, Господу помолимся.

О еже подати душам их мир и на промышление Божие благую надежду и упование свое возложити, Господу помолимся.

О еже к пользе душевной и спасению телесному судебное постановление от человек составляемое  о судьбах сих рабов  Твоих будет, Господу помолимся.

О еже ни клевета, ни лжесвидетельство, ни подкуп, ни ино что, от человеческой немощи составляемое, возможет на судебное последование  влияти, Господу помолимся.

О еже послати рабом Твоим сим от в заключении тюремном суда человеческого ожидающим Ангела мира на всякое добро и  богоугодное житие наставляющаго и от всякаго злаго навета и помышления ограждающаго,  Господу помолимся.

О еже утешение даровати  родителем, женам, детям и сродником сих рабов  Твоих в заключении находящихся и чрез благое с ними общение  помощь  и достойное в житейских нуждах поддержание  восприяти, Господу помолимся.

О еже даровати им же и нам от грехов и беззаконний обращение и не помянути  сия на Старшнем судище Своем, Господу помолимся.

О избавитися нам…..

Тропарь, глас 6.

  Суду человеческому предстою / и от совести обличаем опаляюся, / вем, Господи, яко сим к покаянию призываеши мя, / Твое человеколюбие на мне покажи,/ да с пророком Давидом зову Ти: / воздаждь ми радость спасения Твоего и Духом Владычним утверди мя, / да от злых отступити обещахся, / прочее время живота моего без порока прейду // и Суду страшному и конечному предстану неосужденно.

Слава, и ныне.

Богородичен (Тропарь Семистрельной иконе Божией Матери), глас 5.

  Умягчи наша злая сердца. Богородице, / и напасти ненавидящих нас угаси, /и всякую тесноту души нашея разреши, / на Твой бо святый образ взирающе, / Твоим состраданием и милосердием о нас умиляемся / и раны Твоя лобызаем, / стрел же наших, Тя терзающих, ужасаемся. / Не даждь нам, Мати Благосердая, /в жестокосердии нашем и от жестокосердия ближних погибнути, // Ты бо еси воистину злых сердец умягчение.

Прокимен, глас 3.

С небесе  слышан сотворил еси суд, земля убояся и умолча, /внегда востати на суд Богу, спасти вся кроткия земли. (Пс.75 ст 9 )

Стих: Помолитися и воздадите Господеви Богу нашему вси, иже окрест Его принесут дары, страшному и отъемлещему духи князей, страшному паче царей земных (пс.75 ст.12-13).

Сборного послания Иаковля чтение. (Иак .зач 51;  гл 2 ст. 1-13)

Братие, не на лица зряще имейте веру Господа нашего Иисуса Христа славы. Аще бо внидет в сонмище ваше муж, злат перстень нося, в ризе светле, внидет же и нищь в худе одежди, и воззрите на носящаго ризу светлу, и речете ему: ты сяди зде добре; и нищему речете: ты стани тамо, или сяди зде на подножии моем; и не разсмотристе в себе, и бысте судии помышлений злых. Слышите, братие моя возлюбленная, не Бог ли избра нищыя мира сего богаты в вере и наследники Царствия, еже обеща любящым Его? Вы же укористе нищаго. Не богатии ли насилуют вам, и тии влекут вы на судища? Не тии ли хулят доброе имя нареченное на вас? Аще убо закон совершаете царский, по Писанию: возлюбиши искренняго своего якоже себе самаго, добре творите. Аще же на лица зрите, то грех содеваете, обличаеми от закона якоже преступницы. Иже бо весь закон соблюдет, согрешит же во единем, бысть всем повинен. Рекий бо: не прелюбы сотвориши, рекл есть, и не убиеши. Аще же не прелюбы сотвориши, убиеши же, был еси преступник закона. Тако глаголите и тако творите, яко законом свободным имущии суд прияти. Суд бо без милости не сотворшему милости: и хвалится милость на суде.

Аллилуия, глас 3.

Стих 1: Яко Бог судия есть, сего смиряет и сего возносит.

Стих 2: Яка чаша в руце Господни вина нерастворена, исполнь  растворения, и уклони от сия в сию.

Евангелие от Луки  88 зач,( гл 18 ст. 1- 8)

Рече Господь притчу сию: како подобает всегда молитися , и не стужати си , глаголя: судия бе некий в некоем граде, Бога не бояся и человек не срамляяся. Вдова же некая бе  во граде том, и прихождаше к нему, глаголющи: отмсти мене от соперника моего. И не хотяше на долзе времени. Последи же рече в себе: аще и Бога не боюся, и человек не срамляюся, но зане творит ми труды вдовица сия, отмщу ея, да не до конца приходящи застоит мене. Рече же Господь: слышите, что судия неправды глаголет? Бог же не имать ли сотворити отмщение избранных Своих, вопиющих к Нему день и нощь, и долготерпя о них? Глаголю вам, яко сотворит отмщение их вскоре.

Кондак, глас 3.

Якоже помянул еси молитвы вдовицы плачущей / и от судии неправедного помощи не имущей, / сице и сих рабов Твоих в ожиданиии суда от человек составляемого пребывающих / и на Тя Единого надежду возлагающих, / услышаны сотвори прошение и молитвы, / покаяние во гресех приносщих, //  вся ко благу и  спасению премудро приводяй.

Сугубая ектения:

Еще молимся о рабех Божиих, в заключении пребывающих, и в ожидании суда от человек составляемого находящихся, и о еже простити им всякое согрешение и милостиву и благоуветливу быти им Благому и Человеколюбивому Богу нашему, Господу помолимся.

Еще молимся, во еже ни клевета, ни подкуп, ни лжествидетельство, ни заблуждения, ни честолюбие, ни ино что от человеческой немощи составляемое возможет  влияти  на доследование и суд власть имеющих и по правде законней  производити сия призванных, над сими рабы Твоими  (имярек), усердно молим ся Ти, Господи, услыши и помилуй.

Аще беззаконие назриши, Господи, Господи, кто постоит, сего ради, Правосуде, не по делом нашим осудиши нас, не по правде Твоей сотвори с нами, но презирая грехи, оставляя беззакония, яви благоутробие и щедоты Твоя, на рабех Твоих сих в покаянии припадающих и милости просящих, Господи, услыши и помилуй.

Еже молимся за всю братию и за вся православныя  христианы.

Услыши ны,  Боже Спасителю наш….

Молитва

Царю царей и Господи господствующих, Единый истинный Судия живых и мертвых, Надежда ненадеждных, Спасение отчаянных, к Тебе усердно притекаем, о рабех Твоих сих, в ожидании суда от человек составляемаго находящихся. Не вниди в суд с рабы Твоими, яко не оправдится пред Тобою всяка плоть; яви милость благоуторбия Твоего, над рабами Твоими сими, иже познаша и исповедаша греси свои и отступити от злых обещахуся. Сего ради просим, не от человек ожидающи помощи, ни на князей века сего возглагая упование, сотвори да решение суда  человеческаго ко благу и спасению сих рабов Тебе усердно молящихся произведено будет. Верен Бог, иже не попустит искуситися паче, нежели понести можем:   Умудри вся иже во власти судней суть, да не подобострастием и от немощи человеческой связаны судьбы сих людей в заключении пребывающих  будут. Да не злоба и коварствия изменит сердца их и глубина отчаяния поглотит души их, сотвори Господи, по милости Твоей, полагая предел беззаконию, низлагая нечестие, подавая помощь и заступление всем от злых на творение заповедей  Твоих обращающихся и в сих подвизатися усердно тщащихся. Предлагаем Тебе ходатайство другов Твоих, иже в земном поприще Тебе Господу и Владыке своему благоугодивших, наипаче же предстательство Пречистыя Владычицы нашея Богородицы и Приснодевы Марии, яже и в день Страшнаго суда Твоего, Ходатаицу о спасении нашем  дерзаем восприяти. Яви милость и спасение Твое нам зде во юдоли плачевней земнаго странствия нашего и на Страшнем Судище в день втораго и страшнаго пришельствия Твоего. Твое бо есть еже миловати и спасати ны, Христе Боже наш и Тебе славу возсылаем со Безначальным Твоим Отцем и Пресвятым и Благим и Животворящим Твоим Духом, ныне и присно и во веки веков. Аминь.

*     *     *

Проповедь

Возлюбленные о Господе, отцы, братия и сестры. Сейчас у нас в местах лишения свободы проводиться неделя молитвы. Вчерашний день был посвящен заключенным. Сегодня мы возносим моление Богу о правомерном исполнении ПРАВОсудия.

К сожалению, наша судебная система все еще далека от совершенства, несмотря на уже прошедшее тысячелетие христианства на Руси. Наш великий князь Владимир, Красное Солнышко как его называли в народе, после того, как сам принял святое Крещение приехал в стольный град и организовал массовое крещение киевлян. После этого, он повелел на улицах поставить столы, выкатил свои столетние медовые вина, и устроил для всех праздник. Это была широкая истинно русская душа, и он решил дать приказ открыть все тюрьмы и выпустить всех на свободу. Тогда к нему подошел митрополит (а митрополиты у нас были долгое время умудренные греки) и сказал: «княже, наше дело миловать, а твое исполнять правосудие». Действительно, поддержание правопорядка – одна из функций государства, само существование которого направлено на защиту своих граждан от внутренних или внешних опасностей. При этом земной человеческий суд основан на презумпции невиновности, то есть человек до решения суда, которое должно быть максимально объективным не может считаться виновным в совершении того или иного преступления. Поэтому есть разница между задержанным и осужденным. При этом вспомним, что античная богиня правосудия Фемида изображалась с завязанными глазами, что означает неотвратимость возмездия за преступления для каждого человека, независимо от его положения в обществе. И будем молиться, чтобы это было именно так, и чтобы у нас было больше оправдательных приговоров, основанных на том, что суд разобрался в ситуации. Кроме того в последние годы много говориться о гуманизации судебной системы, замены тюремного заключения на другие виды наказания там, где это возможно.

В XX веке наша страна очень пострадала от вооруженного переворота, когда нарушались самые устои многовекового существования народов нашей Родины. Проводились массовые репрессии, уничтожались целые сословия. Хотя происходящее называлось рабоче-крестьянской революцией, и рабочие очень пострадали, и особенно крестьяне. Люди уничтожались миллионами. Все это происходило на фоне борьбы с религией. В это время в местах лишения свободы получил современное развитие  воровской закон. Мы знаем, что «по понятиям» между сотрудниками и заключенными стоит непреодолимая стена. Однако в последние годы, когда сотрудники приводят заключенных в храм, эта стена дает трещину. Поэтому сегодня мы должны помолиться и о сотрудниках, ведь тюремный храм существует и для них, и они имеют возможность в рабочее время приобщаться к религии.

В последующие дни мы будем молиться о жертвах преступлений, о наших семьях, о возвращении на свободу. Всех призываю в течении этой недели к усердной молитве. Господь да поможет нам ныне и присно и во веки веков. Аминь!

 
< Пред.   След. >

Поделиться на Facebook

Другие способы помочь заключенным